Nakiusyuso din si Star. Litrato ng dalawang magkaakbay na dalagita. “Ang ganda n’yo pareho. Sino ang blonde ang buhok, Miss Amy? Kapatid mo ba siya?” tanong niya habang sinisipat ang hawak na picture frame ni Amy.
Umiling si Amy. “My bestfriend,” wika nito saka hinahaplos ang litrato. Malungkot ang mga mata nito na waring nagbabadya ang mga luha.
“Nasaan na siya, Miss Amy?” tanong uli si Star.
“She’s dead,” malungkot na sagot ni Amy.
Tumulo ang mga luha ni Amy kaya tumigil si Star sa pagtatanong. Para maiba ang kanilang usapan ay dinampot niya ang Eifel Tower minature na nasa lamesita. “Ay wow, ang cute nito,” wika ng dalaga. Nais niyang ibahin ang kanilang pinag-uusapan dahil pakiramdam niya ay may malungkot na alaala kay Amy ang hawak nitong litrato.
Hinawakan ni Amy ang miniature a
