Pinunas ni Adrian ang mga luha. “Pasensiya ka na. Pati tuloy ikaw ay nalungkot sa kuwento ko.”
“I understand your pain, Adrian. Hindi lang ikaw ang nagmahal at dumanas ng kalungkutan. Minsan din akong nabaliw sa pagmamahal para sa isang tao ngunit hindi ako ang minahal niya kungdi ang best friend ko. Umalis ako ng bansa at nagka-asawa pero iniwan din ako ng naging asawa ko dahil hindi ko siya mabigyan ng anak. Ilang beses pa akong sumubok na magkaroon ng partner pero laging nauuwi sa pagkabigo. Pakiramdam ko noon ay wala akong silbi at wala ng taong gustong mahalin ako. Nang mamatay ang bestfriend ko ay ninais kong mapasa-akin ang taong unang minahal ko pero hindi pa rin ako ang minahal niya kungdi ibang babae. At dahil sa kabaliwan ko ay nakagawa ako ng isang bagay na habang buhay kon
