Apat na araw na ring naghihintay sa Villa Hermanuevo ang bampirang Sangre na si Demetria, ang mortal na si Randy, si Sagaway na isang kapre at ang malakat na si Alimog. Apat na araw na naghihintay na sana ay bumalik na ang kanilang kaibigang si Odessa. Tapos na ang kaguluhan sa loob ng mansion. Tapos na ang paghahari ni Claudius Rickman sa Sansinukop, ang pangkalahatang pinuno ng mga anak ng buwan sa Pilipinas.
Labis ang pag-aalala ni Randy sa kasintahan niyang si Odessa. Hindi niya alam kung nasaan na at nasa maayos bang kalagayan ang kasintahan. Hindi na rn niya ito nakakausap pa gamit ang isip, simula ng pumasok. Masyado ring naapektuhan si Sagaway sa nangyari. Ngayon ay dalawa na sa mga matalik niyang kaibigan ang nawawala. Sinisisi ang sarili dahil kahit sa laki niya ay tila
