Lumalamig na ang paligid dahil malapit na ang paglubog ng araw sa mga kabundukan ng Anilon sa isla ng Dalangan. Bakas sa mukha ni Odessa ang pagkasabik na mapuntahan ang sinasabing puno ng Quebaluan. May halong kaba at takot ang nararamdaman niya lalo na't wala siyang kaalam-alam sa lugar na pinupuntahan. Kasama niya ang tagapangalaga ng isla na si Sakaya sa pagpunta kay Agathon sa puno ng Quebaluan habang ang diyos na si Danum ay nagpaiwan para kaagad makabalik sa karagatan dahil na rin sa bali-balitang kaguluhan sa mga kaharian sa karagatan.
Malamig na hangin ang sumalubong kina Odessa at Sakaya nang marating ang gilid ng bangin sa tuktok ng pinakamataas na bundok ng Anilon. Halos malaglag ang panga ni Odessa nang bumungad sa kanya ang isang napakayabong at napakalaking puno na
