Nakakapaso ang sobrang init ng araw sa napakalawak at napakainit na disyerto ng Beronia. Hindi lubos maisip ni Blake kung paano niya nagawang makarating sa lugar na iyon gayong ni sa kanyang panaginip ay hindi pa siya nakarating sa. Ganoon klaseng lugar. Halos magpaltos na ang mga talampakan ni Blake sa nakakapasong init ng napakapino at pulang buhangin ng disyerto. Hindi naman kanipisan ang kanyang suot na lumang dilaw na tsinelas, pero pati ang mga ito ay tila gusto na ring matunaw sa sobrang init na buhangin. Minabuti niyang sumilong muna sa anino ng isang napakalaking bato sa di kalayuan. Doon ay halos maiyak si Blake na naupo at pinagmasdan ang nagdarasal pa rin na si Mariang Makiling. Hindi lubos maintindihan ni Blake bakit ginagawa iyon ng diwata sa kanya. Ayaw ba siya nitong ka
