Lumakas ang pagyanig sa kapaligiran at mula sa pampang ng ilog ay bumuka ang lupa. Iniluwa nito ang isang dambuhalang nilalang na may tatlong sungay sa ulo, siya si Behemot ang diyos ng kadiliman isa sa mga anghel na itinaboy sa Kalangitan kasama si Lucifer at iba pang mga anghel na nag-aklas laban sa Diyos. Umaapoy ang mapupulang mga mata at halos pumutok ang mga naglalakihang mga kalamnan sa dibdib at braso ng dambuhalang nilalang. Hawak hawak nito ang isang napakalaking palakol na gawa sa napakatibay na metal bilang sandata sa pakikidigma. Umuusok ng maitim ang tuktok ng ulo nito dahil sa galit. Dumadagundong ang pag-atungal nito at nakatingin ang mga nagliliyab na mata kay Sitan na kasalukuyang bumabangon mula sa talahibang kanyang kinabagsakan. Kaagad ay lumuhod sa damuhan si Sita
