PABALIK-BALIK ang paglalakad ko sa loob ng kwarto habang nakatunghay sa aking cellphone. Ilang beses ko nang inulit basahin ang mensahe ni Khalil subalit parang hindi pa rin ako makapaniwalang mangyayari iyon.
Love, dadalawin kita ngayon. Magpapaalam na rin ako sa family mo upang ligawan ka. Just relax, okay? Ako ang bahala. I love you.
Napabuntong-hininga ako at sinubukang magtipa ng sagot subalit nakipagtitigan lang ako sa screen ng aking cellphone. Ano ba kasi ang dapat kong isagot sa text niyang iyon? Should I tell him not to do it? Siguradong magtatampo ang lalaking iyon at baka isipin pa niyang ayaw kong ipaalam sa mga nakapaligid sa aming nakakaunawaan na kami.
“Hay, ewan!” Pabagsak akong naupo sa aking kama. “Kare-recover lang niya mula sa injur. Bakit kasi hindi muna siya magpa
