“ANG daming nangyari last week. Feeling ko tuloy isang taon tayong hindi nagkita. Na-miss tuloy kita!” Inangkla ni Linette ang kaniyang braso sa akin habang naglalakad kami papunta sa parking area ng school kung saan naghihintay sa amin si Noel.
“Tama ka, Lin. Pakiramdam ko nga ay isang taon ang dumagdag sa edad ko,” binuntunan ko iyon mahinang tawa.
“But I’m so glad na hindi ka masyadong naapektuhan sa nangyari. Biruin mo ang taong pinagkatiwalaan mo ay nagawa kang lokohin? Ginamit niya pa talaga ang emosyon mo at sinadyang hulihin ang loob mo pero sa huli palabas lang pala lahat.”
Napabuntong-hininga ako. “Ang totoo niyan hanggang ngayon ay nalulungkot pa rin ako kapag naaalala ko ang nangyari. Nanghihinayang din ako dahil pakiramdam ko kahit paano nama’y may totoo sa pinakita sa akin
