HINDI maipinta ang mukha ni Kuya Nigel nang magising siya kinabukasan. Si Khalil naman ay walang imik na nagkakape habang kasalo namin sa almusal.
“Why are we even wearing the same shirt?!” iritang puna ng kapatid ko sa suot nilang damit ni Khalil. “Wala na bang ibang damit at talagang magkaparehas pa kami?”
“Couple shirt ang tawag d’yan, Kuya,” nagpipigil ng tawa si Ate Natasha.
“Couple what?” nanlaki tuloy ang mga mata ni Kuya. “This is my freaking uniform! Ano'ng couple shirt ang sinasabi mo r’yan, Natasha?” Kulang na lang ay bumuga ng apoy si Kuya dahil sa sobrang inis.
“Kung bakit naman kasi nagpakalasing kayong dalawa?” sita ni Nanay na nagpatahimik sa galit na galit kong kapatid. “Lalo ka na, Nigel. Ikaw ang mas nakatatanda pero ikaw pa itong nagpakalango sa alak.”
“Ano ba ang
