“NAMI!” Tinakbo ni Linette ang distansiya namin at sinalubong ako ng mahigpit na yakap.
“Lin, bitaw na! Nasasakal na ako.” Tinapik ko pa ang kaniyang likod upang bigyang-diin ang sinabi.
“Sorry, sorry,” maluha-luha siya nang pakawalan ako. “I’m so worried about you! Nang ibalita sa akin ni Noel ang nangyari’y akala ko prank lang niya iyon!”
“Hindi ako mahilig sa prank, Linette,” apila ni Noel na nakatayo sa gitna ng aming salas. “At hindi ginagawang biro ang ganoong bagay.”
Linette pouted. “Oo na. Panalo ka na.”
“Mabuti pa ay maupo na tayo. Ang aga-aga magsisimula na naman kayong mag-away!” Hinila ko si Linette patungo sa salas. Naupo na si Noel nang maupo kami.
“Nami, pakainin mo muna ng almusal ang dalawang iyan.” Sumungaw si Nanay mula sa dibisyon ng kusina at salas.
“Si Kuya at
