Kaagad kong namataan ang kotse ni Jude na ilang hakbang ang layo mula sa bahay namin. May kadiliman sa parteng iyon dahil hindi na masiyadong abot sa liwanag ng pinakamalapit na posteng nakatayo sa bandang doon.
Pinuno ko ng hangin ang aking baga at humigpit ang pagkakahawak sa sinuot kong blazer na panangga sa dala ng malamig na panghating-gabing hangin.
Nang dalawang hakbang na lang ang layo ko mula sa kotse niya ay bumukas ang pinto ng driver's seat at lumabas siya roon. Sandali akong napatigil nang tumama ang aming mga tingin. Bumaba naman ang mga mata ko sa kan'yang suot.
Isang leather jacket at puting T-shirt sa ilalim ang kan'yang suot na pinaresan ng itim na jeans. His hair was a little bit messy, yet funny how he looked more gorgeous on that messy hair. Pinilig ko ang aking ulo
