Habang nasa malayo ay nakamasid si Blake sa pwesto nina Lily, hindi niya maiwasang masabik na makita ito nang may humimpil na magarang sasakyan at lumabas roon si Clint. Napaayos siya nang tayo sa kinakukublian nang lumabas mula sa binuksang pinto ng sasakyan si Lily at sa back seat naman ay lumabas naman ang ina ni Lily karga ang anak nila.
Mas lalong nasabik si Blake nang makita ang anak nila ni Lily, gusto niyang sugurin ng mga ito pero pinigil ang sarili dahil baka magmukha lang siyang tanga.
Kitang-kita niya kung paano alagaan ng kaibigan si Lily, nainggit pa siya rito nang makitang hindi man lang umingit o umiyak man lang ang anak nang hawakan ito ni Clint.
"Bakit? Ano bang kasalanan ko para paglaruan niyo ako ng ganito!" usal niyang ngitngit na tila kausap ang kawalan. "I'm sorry
