"Sabi ko naman sa 'yong huwag mong madaliin ang lahat-lahat, Katrina," sermon sa kanya ng kaibigan niya.
Hindi talaga siya tinitigilan.
Nandito siya ngayon sa labas ng gusali kung saan nakakulong ang ama niya. Pero hindi niya magawang pumasok. Hindi niya kaya.
Bigla na lang kasing nanginig ang buong katawan niya nang makita ang gusali at nang pumasok sa isipan niya ang mukha ng ama.
Ngayon ay umiiyak siya na nanginginig.
Hindi niya alam kung paano siya kakalma.
"Katrina," mahinang tawag sa kanya ng kaibigan niya kaya napapikit na lang siya at tumitig ulit sa gusali.
"Bakla, hindi ko pa siya kayang harapin, natatakot ako," mahinang sabi niya. Hindi niya na alam ang gagawin niya. Paano siya makakausad nito?
"Ayos lang, wala namang nagmamadali rito, Katrina. Ang importante ay maka
