Napakunot ang noo ni Katrina dahil may kumatok sa pinto niya kaya napatingin siya sa oras sa cellphone niya.
Ala-una na ng madaling araw kaya sino naman ang manggagambala sa pagtulog niya? Napatingin siya sa kaibigan niya dahil may ilaw naman mula sa bintana dahil sa buwan na siyang nagbibigay liwanag sa madilim na kalangitan.
Nagmamadali siyang buksan ‘yong pinto kahit na antok na antok pa siya at gano’n na lang ang gulat niya nang makita niya si Dak sa labas.
“Bakit?” kunot-noong tanong niyang tanong sa binata kaso nginitian lang siya nito.
“Tara sa bubungan,” mahinang sabi nito pero umiling siya.
“Gago ka ba? Nasaan si Emitt? Hindi mo naman siya sa lapag pinahiga ‘no?” tanong niya at masamang tinignan ang binata.
Nakita niyang napakamot si Dak sa batok nito kaya malakas niya iton
