Tahimik silang apat sa hapagkainan. Hindi pa rin sila nagsisimulang kumain dahil tahimik nga sila. Hindi pa niya alam kung magkakilala si Dak at Emitt pero mukhang hindi naman.
“Pst…”
Napatingin silang lahat kay Dak dahil mukhang kinukuha nito ang atensyon ni Emitt.
Gusto niyang tuktukan si Dak dahil ang kapal ng mukha nitong sitsitan si Emitt, hindi naman nito kilala si Dak.
“Ikaw ang magdasal. Kapag bisita, siya dapat magdasal,” sabi ni Dak kaya masama niya itong tinignan.
“Dak ang kapal ng mukha mo,” malalaki ang matang sabi niya kay Dak at nakita naman niyang tumingin ito sa kanya.
“Oh bakit? E ‘di ikaw magdasal,” sabi ni Dak at magsasalita na sana siya nang makita niyang piningot ng Lola niya ang isang tenga ni Dak. “Ah! Lola!”
Natawa siya dahil nakita niya ang sakit sa gwapo
