Tuwang-tuwa si Caitlyn matapos ipakikilala ni Manang Dency si Blaire. Nagtatatalon pa ito at niyakap siya nang mahigpit.
“Ikaw na ang bahala dito, ha? Bababa na ako. Basta, habaan mo sana ang pasensiya mo,” may pakiusap sa tinig na sambit ni Manang Dency nang magpaalam ito sa kaniya habang nasa loob ng banyo ang bata.
“Opo, ako na po ang bahala sa kaniya, Manang,” nakangiti niyang tugon dito.
Inilibot niya ang tingin sa kuwarto ni Caitlyn habang nakaupo siya sa pink chaise lounge at hinihintay itong matapos magbanyo. Sa gilid ng silid bandang kanan ay ang princess castle bed na may slide bandang kanan at hagdan naman ang sa kaliwa. Halos lahat ng kagamitan sa loob ng malawak na silid ay kulay pink.
Pagkalabas ni Caitlyn ay patakbo itong lumapit sa kinaroroonan niya. “Can I call you
