“Tara na?” Malambing na aya ni Blaire sa binata.
Kung kanina ay inaantok siya, ngayon nama’y tila napawi ang antok at pagod. Buhay na buhay ang kaniyang pakiramdam. Hindi na siya makapaghintay na makasama sa iisang bubong si Bryce.
Malapad ang pagkakangiti na lumapit si Blaire sa binata. Sa sobrang excited niya ay hindi na niya napansin ang namuong paghanga na dumaan sa mga mata ng binata na agad din namang napawi at napalitan ng pagsambakol ng mukha.
Kung gaano kalapad ang ngiti ni Blaire ay kabaliktaran naman iyon ng itsura ng binata. Nakabusangot ito na akala mo ay inuutangan ng asin.
Tumikhim ito nang makalapit siya. “May ilang bagay lang akong gustong linawin bago tayo umalis,” panimula nito, nakakunot ang noo.
Napaawang ang mga labi niya. “Ha? Bakit ngayon mo lang sinabi?” a
