Riya’s POV
Niyakap agad ako nila Mama at Papa nang makarating sila sa ospital kung nasaan kami ni Jace. I suppose, Mel told them that I am here. Hangga’t maaari, ayaw kong malaman ng mga mga magulang ko lalo na ni Trish ang ginawa ni Ed sa akin. Alam kong makakasama iyon sa lagay niya at ng pamangkin ko kapag na-stress siya sa kaiisip.
Mukha ngang mali ang ginawa kong desisyon na personal na magpunta sa opisina para tapusin ang lahat sa amin ni Ed. Inakala ko kasing makakatulong iyon para mas mapadali sa amin ang mag-move on lalo pa’t magiging brother-in-law ko siya, pero nagkamali ako.
“May misunderstanding lang si Ed at Jace.” Si Melissa na ang nagsalita para sa akin nang tanungin ni Mama ang kung ano ang nangyari.
“Misunderstanding? Nasa labas ang kapatid mo, pinilit namin siyang m
