Para siyang batang nawawala habang palinga-linga sa paligid. Nang makalabas siya sa pasilyong halos isang metro lang ang lapad, ay agad na bumungad sa kanya ang isang malawak na bahagi ng cargo holds. Malinaw din niyang nakikita nang malapitan ang malaking bakal na ginagamit sa pagbubuhat ng mga container van. Saglit siyang namangha sa sasakyang pandagat kung saan sila lumulan. Hindi niya lubos akalain na isa pa lang cargo ship ang tinutukoy ni Chelsy na barko. May nakita na siyang pag-aari ni Onyx na katulad nito, subalit mas malaki lamang iyon. Pansin din niyang kaunti lamang ang karga ng barko. Mistula bumiyahe ito kahit wala naman gaanong karga.
“Miss, Zhyn. Diretso lamang po kayo. Sa unahan ay iyong makikita ang isang malapad na pinto, pumasok ka roon.” Agad siyang napatingin sa dire
