Mc Ashley’s point of view:
Naging emosyunal ang mga oras na iyon sa pagitan namin ni Hastrup. Subalit ang mga luhang naibuhos namin ay bunga ng labis na kagalakan. Ang panghabang-buhay na alok ni Hastrup ay tinanggap ko ng buong puso, walang pag-aalinlangan o pagdadalawang-isip. Hindi ko man alam kung anong buhay ang nag hihintay sa amin sa panibagong yugtong ito, patuloy akong magtitiwala sa pagmamahal na mayroon kami para sa isa't-isa. Pagmamahalang naging tahanan at kalinga namin mula sa nakakapagod na mundo.
Mag aalas-diyes na nang makarating kami ni Hastrup sa Hotel. Nakakain na kami ng hapunan kanina sa Yate kaya naman dumiretso na kami sa aming silid upang makapag pahinga. Kasalukuyan ito ngayong naliligo habang ako naman ay nakaupo sa kama at hindi pa rin makapaniwalang nakati
