Chrixtopher Archem’s point of view:
Ito ang huling duty ko para sa linggong ito. May dalawa akong magkakasunod na operasyon mamayang gabi kaya naman sinisikap ko ng tapusin ang mga orders na kailangang icarry out ng mga Nurses upang may panahon pa akong makapag pahinga mamaya pagkatapos ng mga operasyong isasagawa ko bago umuwi. Maya-maya ay nakatanggap ako ng tawag mula sa Nurse Station.
“Good Afternoon Doc, may mga naghahanap po sa inyo rito sa station.” Dinig kong sabi ni Nurse Alvin habang nasa akabilang linya. Tinignan ko pa muna ang wrist watch ko at nakitang 2 pm pa lang. Nangunot ang noo ko sa sinabi niyang iyon dahil wala naman akong appointment ngayong araw.
“Sigurado ka bang ako ang hanap?” paniniguro ko pa.
“Yes, Doc.” Tugon niya.
“Okay, I’ll be there in a minute.”
