Nagising si Larah sa isang ’di pamilyar na silid. Nagtataka siyang inilibot ang paningin niya kabuuan ng paligid. Dahan-dahan siyang bumangon. Pero napabalik siya sa paghiga nang may tali pala ang isang kamay niya. May naramdaman din siyang sakit sa gilid niya. Pumikit siya para alalahanin kung bakit may tali siya.
Unti-unting pumapasok sa isip niyang ang nangyari. Naalala niya nag-uusap sila ni Erika Garcia sa hallway dahil kay Zander. Tapos may napansin siyang tao sa kabilang building sa rooftop kaya kahit ano-ano na lang ang pinagsasabi niya sa harapan ng binata. Nang yakapin niya ito may naramdaman siyang tumama sa bandang likuran niya.
Bigla siyang napabangon nang maalala ng tuluyan ang nangyari. “Ok lang kaya siya?” tanong ni Larah sa isip. Pero napaigik siya nang maramdaman muli
