“Hanapin mo lahat tungkol sa babaeng iyon.”
Tumahimik ang buong silid sa utos ko. Sa harap ko, nakatayo si Marco, ang pinaka-pinagkakatiwalaan kong tao—kanang kamay ko sa negosyo at sa digmaan. Alam niyang kapag ganito ang tono ng boses ko, walang tanong, walang pagtutol. Diretso lang sa aksyon.
“Kompleto, boss?” tanong niya, bahagyang nakataas ang kilay.
“Lahat,” sagot ko, malamig. “Simula pagkabata hanggang ngayon. Pamilya, kaibigan, utang, problema. Kahit anong itinatago niya.”
Tumango siya, seryoso. “Gaano ka-deep?”
“Hanggang sa kaluluwa niya.”
Hindi na siya nagsalita. Umalis siyang tahimik, mabilis, parang multong sanay sa dilim.
Naiwan akong mag-isa sa loob ng malawak kong opisina sa itaas ng Villamor Grand Casino—isang silid na yari sa salamin, bakal, at kontrol. Sa ibaba, ku
