“What do you want to eat? Kumain ka muna bago bumalik sa ospital.”
Napalingon ako kay Andrew na nakasandal sa gilid ng mesa, hawak ang cellphone niya na para bang iyon ang pinakamadaling solusyon sa lahat ng problema sa mundo. Para sa kanya, isang order lang ang pagitan ng gutom at ginhawa. Para sa akin, parang kasalanan pa ang kumain habang nakahiga sa hospital bed si Tiyo Ramil, nakikipaglaban sa pagitan ng buhay at kamatayan.
“Hindi ako gutom,” mabilis kong sagot, kahit ramdam ko na ang kumakalam na sikmura.
“Liar,” diretsong sabi niya. “Kita ko sa mukha mo.”
“Hindi lahat ng nakikita mo ay totoo,” sabad ko.
Ngumisi siya. “Pero sa’yo, halos lahat nakasulat sa mukha.”
“Napaka-observant mo,” iritado kong sagot.
“Part ng trabaho,” aniya. “Now, order. Use my phone. Get whatever you wa
