“‘Daisy, lumabas ka na diyan—may kailangan akong ipakita sa’yo.’”
“Sandali lang,” sigaw ko mula sa loob ng banyo habang pinipilit kong patuyuin ang buhok ko. Pagod ang katawan ko mula sa maghapong lakaran sa Atok at sa biyahe pabalik ng Baguio, pero kahit ganoon, pakiramdam ko ay punong-puno ako ng kakaibang sigla. Para bang may humihila sa akin palabas ng pagod, may nag-uudyok na maging gising sa bawat segundo ng gabing iyon.
Paglabas ko, unang bumungad sa akin ang malambot na ilaw ng lampshade at ang amoy ng cologne niya na humahalo sa bango ng hotel room. Pero ang tunay na nagpahinto sa paghinga ko ay ang kama.
May nakalatag doon na isang above-the-knee, pencil-cut red dress. Katabi nito ang isang pares ng eleganteng sandals at isang set ng alahas na sapat lang ang kinang para magmuk
