Nagpalipat-lipat ang aking nanlalaking mga mata sa kanilang dalawa na noon ay hindi na makahuma sa aking harapan. Hindi ako makapaniwala dahil hindi ko inaasahan na ngayong araw ay muli kong makikita ang dating kasintahan. Si Ravin na ilang taon kong inintay na bumalik at magpakita sa akin. Dito pa talaga iyon mismo sa clinic na aking pinagtra-trabahuhan. Mapaglaro talaga ang kapalaran ano? Ang hilig-hilig din nitong mang-surpresa sa mga panahong hindi mo inaasahang mangyayari!
“P-Paanong...”
Hindi ko magawang ituloy ang sasabihin na hindi na mapigilang salit-salitan silang dalawa na ituro ng hintuturo. Nabubulol ako na ewan. Naumid na ang aking dila sa loob ng bibig. Hindi alam kung ano ang uunahing sabihin sa talipandas na lalake!
“Saka na ako magpapaliwanag sa'yo, Safiera.” nagkukuma
