“Kuya, hindi ka ba talaga sasama sa akin sa Pampanga?” ilang ulit ko ng tinatanong iyon sa aking kapatid, nakasunod ako sa kanya habang nakabusangot at hindi maipinta. Baka sakaling magbago pa ang isipan niya kung patuloy kong kukulitin. “Hindi ba at nangako ka kay Ravin last vacation na babalik ka ngayon doon? Magtatampo iyon sa’yo. Sumama ka na sa akin, Kuya Timothy.”
Sumandal ako sa dahon ng pintuan ng kanyang silid habang pinagmamasdan siyang mag-impake ng kanyang dadalhing mga gamit. Hindi iyon ang napag-usapan naming dalawa pagkatapos ng school year namin. Sa Pampanga ang tungo namin at hindi sa kung saan. Hindi ko tuloy maiwasang magtampo pero binabalewala lang naman niya iyon na parang hindi siya dito apektado.
“Safiera, ilang ulit ko bang sasabihin sa’yo na hindi muna? Next year
