Ysabelle Cuevas (Ysa)
“Are you okay?” mahina pero malinaw na tanong ni Victor pagkatapos akong sigawan ni Mister at isarado ang pinto ng van.
Hindi ako agad nakasagot.
Parang nabingi ako sa sarili kong paghinga.
Ang dibdib ko, parang pinipiga—hindi ko alam kung dahil sa sakit, takot, hiya… o dahil sa boses ni Mister na bigla na lang tumama sa’kin na parang sampal. Hindi ko rin alam kung ano ang mas masakit:
‘yong nangyari sa ospital…
o ‘yong paraan ng pagputol niya sa boses ko, na para bang wala akong karapatang magsalita.
“Ayos ka lang ba?” ulit ni Victor, mas malumanay ngayon.
Tumango lang ako. Hindi ako nagbukas ng bibig; baka sa halip na salita, iyak ang lumabas.
Ibinaling ko ang mukha ko sa bintana para hindi nila makita ang ekspresyon ko. Ayokong makita nila ang nanginginig
