Kianna Sandoval
“Sinama-sama mo pa ako rito,” reklamo ni Gavin habang nakasunod sa’kin papuntang kitchen, “nandito naman pala si Steven.”
May pagka-baritono talaga boses nito kapag naiirita—parang may bass boost palagi.
“Tanga ka ba?” sagot ko agad, sabay taas ng kilay. “Gusto mo makigulo sa usapan nung dalawa?”
Hindi na siya nakasagot. Sumimangot lang siya habang naglalakad.
Pagdating sa kitchen, umupo ako sa bar counter at ipinatong ang siko sa ibabaw nito. Sa harap ko, si Steven nagsimula nang mag-asikaso ng lulutuin—walang reklamo, walang drama. Parang robot na may good manners. Tahimik, mabilis, maayos.
Tumabi sa’kin si Gavin na parang aso na gusto pa rin tumahol kahit sinaway na.
“Uulitin ko, Kianna,” seryoso niyang sabi, “walang feelings si Victor para kay Ysa. ’Wag mo nang i
