Macky
Agad kong nahawakan ang kamay ni Karen Rose at pilit na tinanggal ang kutsilyong hawak nya.
Hindi naman na sya nanlaban pa sa akin! Mistulang natulala rin sya sa kanyang ginawa. Animo'y sinapian sya ng masamang espiritu kaya nya lamang iyon nagawa sa kanyang sarili.
Inabot ko kay Manang ang kutsilyo at saka mahigpit na niyakap si Karen Rose.
Nanginginig ang buong katawan ni Karen Rose. Patuloy pa rin sa pag-agos ang luha sa kanyang mga mata. Patuloy pa ring umiiyak na tila ba hindi na titigil pa.
Hinimas ko ang mga pisngi nya. Pinahid ang mga luhang kanina pa dumadaloy. Paulit ulit kong hinalikan ang kanyang noo. Paulit ulit hanggang sa kumalma sya at maging mahinahon.
“I’m sorry.” Bulong ko
Lalo kong narinig ang mga hikbi at iyak nya. Lalo ko pang naramdaman ang bigat n
