Kinabukasan, bago tuluyang bumalik ng Santa Catalina si Ares ay nagpasya silang kumain muna sa restaurant ng hotel. Naglalakad sila nang kaswal. Hindi hawak ng binata ang kamay niya. Hindi rin magkadikit ang mga katawan nila. They walked like they were just ordinary business partners. Palaging ganoon.
“After breakfast, aalis na ako,” sabi nito sa kaniya.
Tumango si Trinidad. “Okay.” Sanay na siya na palagi itong umaalis, na may limitasyon ang oras nito sa piling niya.
Pagdating nila sa breakfast lounge ay pinaghila naman siya ng upuan ng binata, at pumuwesto na rin ito sa silyang katapat ng kinauupuan niya. Tinawag nito ang serbidor na mabilis namang lumapit sa kinapupuwestuhan nila. Kilala ng may-ari ng hotel si Ares Altieri at VIP ang pagtrato ng mga empleyado rito.
“Soft scramble
