MALALIM akong nagbuntong hininga at bumaba ang tingin sa mga hita ko. Pinaglaruan ko ang mga kamay habang ikinakalma ang sarili. Ngunit tila kahit ano yatang gawin ko ay hindi pa rin mawala-wala ang kaba sa dibdib ko.
"Belle."
Namilog ang mga mata ko nang makarinig ng boses na tumawag sa pangalan ko. Mariin akong lumunok bago nagawang mag-angat ng tingin sa taong 'yon.
Tila tumigil ang pagtibok ng puso ko nang sumalubong sa akin ang pamilyar na mukha ni Drake. Ilang linggo ko lang naman itong hindi nakita ngunit tila parang napakatagal na nang huli kong masilayan ang mukha niya. Para bang ang laki ng pinagbago niya.
Muli akong napalunok at pinilit na magbawi ng tingin sa kanya.
"Have... have a seat," nauutal kong sabi.
Narinig ko ang tunog ng mga galaw niya hanggang sa maupo na siya
