"TRY this."
Tumango ako bilang pagpayag. Dinala niya ang hawak na tinidor sa tapat ng bibig ko para isubo sa akin ang pagkaing nakatusok doon.
"How is it? Did you like it?" tanong niya.
Tumango-tango ako habang abala pa rin sa pagnguya. Nang tuluyang maubos ang laman ng bibig ay uminom muna ako ng tubig bago nagtuon ng atensiyon sa kanya.
"Busy ka pa rin ba ngayong araw?" pang-uusisa ko.
Mabilis siyang tumango. "May meeting pa ako mamaya. May pinapaasikaso pa sa akin si Papa na kliyente. Kumpare niya kasi kaya ako ang nagha-handle."
Humaba ang nguso ko sa mga narinig. Mukhang napansin niya 'yon dahilan para tigilan ang ginagawa.
"Why are you pouting your lips like that?"
Umiling ako. "Wala."
"Love..."
Mas humaba ang nguso ko at nag-iwas ng tingin sa kanya. "Kailan... kailan ka ka
