Humaba pa ang usapan namin ni Felix, ni hindi ko na matandaan kung anu-ano ang naging topic namin. Namalayan ko na nga lang na alas dose na nang tumayo ito sa kaniyang pagkakaupo.
"Sige na, Karla, mauuna na ako at baka habulin na ako ng itak ni Itay," aniya dahilan nang sabay naming pagtawa.
"Kapag wala ka nang matirhan ay dito ka na lang," sambit ko saka tumayo na rin upang pantayan siya.
Sa sinabi ko ay sandali pa siyang natigilan, nagbaba ito ng tingin sa akin habang hindi makapaniwalang pinakatitigan ang mukha ko. Umalpas ang ngiti sa labi saka mahinang natawa.
"Biro lang," bawi ko sa kaninang sinabi ko kaya walang pag-aalinlangan na pinanggigilingan nito ang pisngi ko.
"Marunong na magbiro ngayon ang isang Karla, huh?" tumatawang saad niya bago ako pinakawalan.
"Mag-ingat ka sa
