Naalimpungatan ako kinabukasan nang makailang beses na humilab ang tiyan ko, kasabay nang malalakas na pagtunog nito. Maagap akong napahawak sa tiyan kong nagwawala.
Halos mapangiwi pa ako nang muli iyong humilab rason para magdilat ako. Kaagad kong nilingon ang orasan kung saan pasado alas dies na ng umaga, siya ring sinipat ko ng tingin ang balkonahe.
Maliwanag na sa labas, maalinsangan ang panahon. Ang sikat ng araw na siyang nakapasok sa loob ng kwarto ay tumatama sa paanan ko rason para bumaluktot ako ng higa.
Sandali pa akong pumikit upang alalahanin ang nangyari kagabi. Hindi ko alam kung ilang minuto kaming naghalikan ni Felix, nakatulog na nga lang siguro ako sa balikat niya.
Kaya nagising na lang ako kanina na nakahiga sa kama, marahil ay binuhat ako ni Felix. Dumilat ako bag
