“Gusto niyong mapabagsak ng kapatid ko si Danica, ‘di ba?” seryosong tanong ni Rex kay Angelo.
Kumunot naman ang noo ni Angelo habang tinitingnan si Rex. Kitang-kita niya ang kaseryosohan nito.
“Sige, pabagsakin niyo siya, gawin niyo ‘yon at makikipagtulungan na din ako,” dagdag pa ni Rex sa kanyang sinasabi.
Nakaupo si Rex sa kanang upuan na nasa harapan ng office desk. Nasa loob siya ng opisina ni Angelo na prente namang nakaupo sa swivel chair niya.
Kumurba ang maliit na ngiti sa labi ni Angelo. “Mukhang nag-iba yata ang ihip ng hangin,” nangingiting sambit niya. “Ikaw? Makikipagtulungang mapagbagsak ang asawa mo?” tanong niya pa.
“Hindi ko na siya asawa ngayon,” madiin na wika ni Rex habang matamang nakatitig kay Angelo.
“Pero sa pagkakaalam ko, hindi niya pinirmahan ang annul
