“Hiwalayan mo na ang kapatid ko. Iwanan mo na siya,” mariing utos ni Rex habang titig na titig sa mga mata ni Angelo. Magkaharap silang nakatayo sa loob ng isang kwartong matagal ng hindi nagagamit dito sa loob ng mansyon.
Kumunot ang noo at nagsalubong ang pares ng kilay ni Angelo. “At bakit ko naman susundin ang utos mo?” Ningisihan niya si Rex. “Para ikaw naman ang maging karelasyon ko? O baka naman gusto mo akong maging asawa?” tanong niya pa sa nakakalokong tono.
Pinaningkitan ng mga mata ni Rex si Angelo. “What are you talking about?” tanong niya. “Hindi ‘yon ang ibig kong sabihin,” aniya pa. “Ang sinasabi ko lang, iwanan at hiwalayan mo na ang kapatid ko dahil hindi totoo ang kasal ninyong dalawa, na hindi kayo legal na mag-asawa,” wika niya pa.
Lumaki ang ngisi sa labi ni Angel
