Magkatabi sa ibabaw ng kama sina Rex at Danica. Nakahiga nang patagilid ang huli habang tinitingnan ang mister na nakaupo naman at nakasandal ang malapad na likod sa headboard ng kama. Nakabalot hanggang sa dibdib ni Danica ang makapal na kumot habang hanggang baywang naman kay Rex at nakalitaw ang walang saplot na upper body nito.
Kumukunot ang noo ni Danica. Mababakas sa kanyang mukha ang pagtataka habang pinagmamasdan si Rex na tulala lamang na nakatingin sa harapan. Pamaya-maya pa ay hindi na siya nakatiis at tinawag na niya ang kanyang mister.
“Hon,” pagtawag ni Danica kay Rex.
Bumalik naman sa kanyang sarili si Rex saka niya tiningnan si Danica. Bumakas sa seryoso niyang mukha ang pagtataka.
“Are you okay?” pagtatanong ni Danica kay Rex. “Tulala ka kasi diyan,” dagdag pa niya sa
