“Hindi mo sinasabi sa akin na may manliligaw ka na pala,” saad ni Rex kay Dennise. Hindi siya nakatingin sa kapatid dahil pokus ang atensyon niya sa pagda-drive ng kotse sa daan.
Sandaling sinulyapan ng tingin ni Dennise si Rex. Ningitian niya ito kahit hindi nakatingin sa kanya saka niya ibinalik ang kanyang tingin sa harapan. “Of course naman, Kuya. Sa ganda kong ito, talagang may manliligaw sa akin,” pagmamalaki niya.
Bahagyang napangiti si Rex sa pagmamalaki ng bunso niyang kapatid sa kagandahan nito. “I know that. Akala mo ba hindi ko alam na marami ang nanliligaw sa’yo?” tanong niya. “May anak ng mayor, anak ng businessman at kung sino-sino pang lalaki na may mataas na antas sa lipunan ang interesado sayo pero ikaw, hindi ka naman interesado sa kanila,” aniya pa. “At sa isang hamak
