Nakatagilid sa paghiga si Angelo. Tinitingnan niya si Dennise na mahimbing na ang tulog sa tabi niya. Tinitigan niya ang mukha nito saka ningitian.
“Ang ganda niya,” bulog na papuri ni Angelo kay Dennise. Makikita sa mga mata niya na gandang-ganda siya sa kanyang misis.
Bahagyang ngumiti si Angelo. Hindi niya akalain na ang dami ng nangyari sa nakalipas lamang na maikling panahon. Mga pangyayaring hindi niya akalain na mangyayari sa buhay niya dahil inaasahan na niya noon na ang simbahan lang ang magiging mundo niya.
Lumipas ang mga minuto ay biglang sininok si Angelo at nakaramdam siya ng uhaw. Dahan-dahan siyang bumangon saka umupo sa kama. Lumunok siya saka tinanggal ang nakabalot na kumot sa katawan niya at mabagal na umalis sa ibabaw ng kama at ng makaalis siya ay walang ingay siy
