CHAPTER X
Habang inaayos ng P.A ni Lenneth ang mga damit na susuutin niya ay humarap naman siya sa salamin para ma-ayos ng make up. Pagkatapos ng ilang minuto nilang pag-uusap ni Pierre at ng kapatid nitong si Celeste sa opisina ng binata ay agad siyang nagpahatid sa pagdarausan ng photoshoots. Hindi niya alam kung saan na napunta ang haliparot na parang linta kung makakapit sa binata.
Marahas siyang napabuntong-hininga nang maalala ang tagpong bumungad sa kanya pagpasok niya kanina. Ipinilig niya ang kanyang ulo at nagsimula nang mag-ayos, may narinig siyang katok mula sa pinto ng kanyang dressing room. Agad iyong binuksan ni Sheena at tumambad sa kanya ang dalawang bakla at nakangiting lumapit sa kanya.
“Hello, Madam Lenneth, kami pala ang magiging make-up artist mo. Ako si
