KABANATA XXX
Pagkarating nila sa gusali ng UNI Trends ay may sumalubong sa kanila at sinamahan sila papunta sa opisina ni Pierre. Sa totoo lang ay hindi pa siya ganoon kakumbinsidong payagan ang kanyang Mommy na makipagrelasyon sa lalaking tinutukoy nito, hangga’t hindi niya ito nakikilala ng personal at nakakasama ay hindi pa siya handang tanggapin ito. Pero kaya naman niyang pakisamahan ito ng maayos para sa kanyang Mommy.
Nang tumigil ang sinasakyan nilang elevator ay humawak sa kanya si Keigh at nakangiti naman siyang tumingin dito.
Habang papasok sa elevator ay hindi nakaligtas sa kanya ang mga tingin ng mga empleyado doon, medyo nailang siya at kung puwede lang na tumakbo papasok sa elevator ay ginawa na niya. Hindi siya sanay na pinagtitinginan at nasa kanya ang buong at
