Inabala ni Eliza ang sarili sa mga gagawin ngayong araw. Inuna niyang sinuri si Snow na nang nakita siya ay kaagad yumuko, tanda na gusto nitong magpahaplos sa ulo nito.
“Kumusta naman ang Mama Snow namin?” Giliw na giliw na hinaplos ni Eliza ang pisngi ng hayop pati na ang nguso nito. Humalinghing si Snow at nilapit ang ilong nito sa katawan ng dalaga. Napahalakhak si Eliza sa ginawa nito at hinimas pa niya ang tiyan ni Snow. “Good job Mama Snow. You are as good as new.” Pinatakan ni Eliza ng munting halik ang pisngi nito. Narinig ng dalaga ang isang tawa at paglingon ay nakita si Emil. Tinaasan niya ito ng kilay.
“Sorry Doc. Naaaliw kasi akong tingnan ka na kausap si Snow. Minsan kasi mailap yan eh at nanunulak pa,” saad ng binata.
“Kausapin mo kasi minsan. Alam mo Emil, ang mga hayop
