Maganang nag-almusal si Eliza at Roman. Todo asikaso pa ang huli sa dalaga at kahit medyo masama pa ang pakiramdam ni Eliza ay magana naman siyang kumain.
Natapos ang almusal ng matiwasay at ayon na rin sa kagustuhan ni Roman ay hindi muna niya pinapasok sa trabaho si Eliza. Hindi na kumontra si Eliza at bumalik na sa kanyang kwarto.
Pagkagaling sa bunkhouse ay dumiretso na sa Horse Breeding Center si Roman. Iche-check pa niya si Snow at ang ipinanganak nitong bisero. Binati siya ni Emil pagkababa ng sasakyan niya. Kaagad na nag-report si Doc Eduardo sa kalagayan ng mga kabayo.
“Do we still need an incubator for the colt?” tanong ni Roman sa tauhan. Tiningnan muna niya si Snow at okay naman ito sa palagay niya. Nilapitan niya ang paboritong kabayo at hinaplos ang ulo nito. “Good girl Sn
