ISABELLE POV
Para akong nakonsensiya sa nangyari. Sa galit, nasaktan ko si Elijah.
Nadatnan ko si Manang Constancia na nasa sala at hirap huminga. Kinwento sa akin ni Katherine ang mga nangyari kaya dali-dali kong sinugod si Elijah.
May karapatan akong magalit dahil hindi niya sa akin sinabi ang mangyayari pero tama rin siya, dahil sa nalaman ko ay napuno ng takot ang puso ko sa muli naming paghaharap ni Tyzon.
Matapos ng nangyari, lumabas na si Elijah at naiwan akong tulala dahil sa mga sinabi niya.
Dumating naman si Ysa at may halong pag-aalala ang mukha niya. Hindi pa man ako nagsasalita, agad na niya akong niyakap.
“Shhh Isabelle, wala kang kasalanan,” bulong niya.
Hindi ko na napigilan pang umiyak. Naghalo na ang sakit dahil kay Tyzon, yung sakit na mawalay sa pamilya, yung sa
