KASALUKUYAN...
"BAKIT hindi ka pa natutulog?" nagtatakang tanong ni Shinji nang pagpasok niya sa kwarto'y maabutan ang kanyang asawa na nakaupo sa gilid ng kanilang kama at tinitingnan ang isang photo album.
"Ang saya-saya nila dito, oh," wika nito na ipinakita pa sa kanya ang litratong tinutukoy nito. Nang tingnan n'ya ito'y ang masasayang mukha nina Yuki at Misuke ang tumambad sa kanya. Kuha iyon noong 10th birthday ni Misuke.
"Mula nang dumating dito si Misuke, lagi ko nang nakikita ang ganitong ngiti sa labi ni Yuki. Ang malalakas nilang halakhakan kahit sa kalagitnaan na ng gabi. Sino ba namang magulang ang hindi matutuwa na makitang masaya ang kanyang anak?"
Nahimigan niya ang tila panghihinayang sa boses nito. He owed her a lot of explanations pero hindi niya alam kung saan mags
