Habang nasa biyahe sila pauwi ay kinukulit ni Chloe si James. Paulit-ulit nitong tinatanong kung na-miss ba ito ng binata o hindi.
"Hindi mo ba talaga ako na-miss?" pangungulit ni Chloe kay James habang inaamoy-amoy niya ang pumpon ng rosas na binigay nito kani-kanina lang.
Tinapunan siya nito ng tingin sabay iling.
"Hindi talaga? Kahit saglit lang, hindi talaga? 'Wag ka na kasing mahiya! Umamin ka na kasi."
"Hindi nga!"
"Sige na nga! Hindi na kung hindi!" pagsuko niya dahil kanina pa siya nito pinagtatawanan.
Pagdating na pagdating nila sa tapat ng bahay ni Aling Berta ay umibis kaagad siya sa sasakyan nito.
Hindi niya na hinintay pa na pagbuksan siya nito ng pinto dahil naiinis siya rito.
Tuloy-tuloy siyang naglakad ng hindi ito nililingon dahil masama ang loob niya.
Aakyat na
