"James!" bungad niya sa kabilang linya nang sagutin nito ang tawag niya.
"Bakit?" Animo'y tinatamad ito na kausapin siya. "May ginagawa ako ngayon kaya 'wag mo muna akong kulitin, Chloe."
"Tsk! Wala akong balak na kulitin ka ngayon dahil may pupuntahan ako."
"Saan ka pupunta?" Biglang lumakas ang boses nito na para bang interesado ito na malaman kung saan siya pupunta.
"Papuntahin mo nga rito sa bahay ni Aling Berta sina Lito at Andy," sa halip ay wika niya.
"May ginagawa sila ngayon kaya 'wag mo silang istorbohin, Chloe!" pagalit nitong tugon mula sa kabilang linya. "Ayos lang na ako ang guluhin mo dahil sanay na sanay na ako sa kakulitan mo."
Hindi niya pinakinggan ang litanya nito. "Basta papuntahin mo sila rito ngayon na! Isama na rin 'ka mo nila si Mang Eddie."
"Ano'ng balak mo
