LAHAT ng bagay ay may dahilan. Kagaya na lang kung bakit ayaw ni Felix kay Skyler. Kung walang ugat, walang tutubong bunga at naniniwala siya sa kasabihang iyon.
Hindi maganda ang ugali niya, madalas na rin talagang nag-iinit ang ulo niya sa mga taong kagaya ni Skyler; mga baguhan na trinato ng maayos.
Samantalang noong isa siya sa bago, unang araw pa lang, puro hirap na ang naranasan niya.
Hindi iyon patas. Hindi makatarungan para sa kagaya niyang nagdusa sa kamay ng lider.
Hindi niya maintindihan. Naranasan din ni Dion ang naranasan niya, pero hindi siya nito maintindihan. Maging ito, pinoprotektahan si Skyler.
"Tingin mo, magiging okay lang siya?" si Joseph.
Hindi siya nagsalita, nanatili lang ang paningin sa balon.
Sa totoo lang ay kanina niya pang hinihintay na sumigaw ito o gu
