KINAUSAP ni Emerald ang security na nakabantay sa gate pero sinabi nitong hindi nito alam kung sino ang nagdala nang sulat dahil nakita lang daw nito ang sobre sa loob ng mailbox.
Naglaho kaagad ang bahagyang pag-asa niyang magkaroon ng lead sa nangyaring hit-and-run sa Ate Cleo niya.
"Kung gusto niyo po talagang malaman, Ma'am, puwede po nating balikan sa CCTV footage."
Itinuro ng guard ang maliit at konkretong guardhouse sa gilid ng gate.
Muling bumalik ang kaninang gumuhong pag-asa niya. Tumango siya at sumunod sa guard. Tahimik siyang naglakad, pinipigil ang mabilis na t***k ng puso niya. Sana nga makita nila kung sino man ang nagpadala ng sulat.
Pagpasok sa guardhouse, bumungad sa kaniya ang dalawang malaking monitor na may mga naka-split na screen.
Umupo ang security sa harap n
